Loading...

Historia do Club Baloncesto Condado


HISTORIA DO CLUB BALONCESTO CONDADO




O Club Baloncesto Condado ten as súas raíces no antigo Instituto de Bacharelato de Ponteareas e surxiu polo desexo dun grupo de amigos que moitos días facían dos seus descansos entre clases unha xornada deportiva, onde o balón non paraba de botar, e os rapaces mesturábanse coa intención de gañar o partido do recreo.


A necesidade de dar un paso mais fíxolles acudir á Federación Galega de Baloncesto no ano 1982, xogando a súa primeira tempada xa en 1983, e desde esta data ininterrompidamente disputou a liga Provincial, tendo durante varias tempadas tamén equipo en categoría xuvenil que desapareceu por falta de apoios.

O equipo senior posúe un persoal que mestura mocidade e veteranía do mesmo xeito que nos seus inicios, e disputa os seus encontros no Polideportivo Municipal de Ponteareas, e o orzamento cóbrese con achegas dos xogadores, o patrocinio dende hai xa moitos anos de Electrica Sestelo e Cia, e nos últimos anos de novos colaboradores como Óptica Mahen, Rodosa ou Ortodoncia Sabelacasasnovas, así como ás aportacións das institucións oficiais como son o Concello de Ponteareas, a Deputación de Pontevedra e a Xunta.


Baixo a dirección de Francisco "Kiko" Gamallo, o club converteuse tamén na referencia da comarca para a ensinzanza do baloncesto, creando equipos de categoría base do CB Condado e medrando en número de licenzas cada ano, con excepción da tempada da SARS-Cov2, tendo na úlitma tempada máis de 110 licenzas.


Ademais da participación actual na liga Senior e en categorías de formación da Federación Galega, o club tamén leva o baloncesto ao longo da comarca, con Escolas Deportivas actualmente en As Neves e Salvaterra.

No 40 aniversario do CB Condado, constituiuse unha nova directiva que esperar continuar co crecemento do club.

O último
O día do Club
hai 9 meses
REUNIÓN FIN DE TEMPADA XOVES 15, 21H NO SPORTIVO
hai 9 meses
SÁBADO DE PARTIDOS NO ÁLVARO PINO!
hai un ano
Colaboradores
Patrocinador principal
Patrocinadores oficiales
Entidade pública colaboradora
Patrocinadores de equipo
Colaboradores
Patrocinador principal